माझे कुटुंब माझी जबाबदारी हा विचार महत्वाचा : बच्चूभाऊ कडू

विविध क्षेत्रात उल्लेखनीय कार्य करणाऱ्याचा पुरस्काराने सन्मान

अकोला,दि.1 (जिमाका )- गावोगावी रुग्णवाहिकेची गरजच पडू नये अशी व्यवस्था निर्माण होणे आज गरजेचे असून कोरोणाला हद्दपार करण्यासाठी जिल्हा प्रशासन सकारात्मक पावले उचलत आहे आज राज्यामध्ये सार्वजनिक विचारातून काम झाले पाहिजे जेणेकरून सर्वांनी माझे कुटुंब माझी जबाबदारी स्वीकारत नियमांचे पालन करून कोरोणाचीही लढाई जिंकने महत्त्वाचे आहे.

परंपरेतून खूप काही करता येतं याच उत्तम उदाहरण आमदार अमोल मिटकरी यांनी त्यांचे वडील स्मृतीशेष रामकृष्ण आप्पाजी मिटकरी यांच्या पुण्यस्मरणानिमित्त पंचक्रोशीसाठी रुग्णवाहिका लोकार्पनातून दिसून येते. आज देशात मंदिरे उभारण्यापेक्षा शाळा अधिक सक्षम करणे गरजेचे असल्याचे प्रतिपादन राज्याचे जलसंपदा व लाभ क्षेत्रविकास, शालेय शिक्षण, महिला व बालविकास इतर मागासवर्ग, सामाजिक व शैक्षणिक मागास प्रवर्ग, विमुक्त जाती, भटक्या जमाती आणि विशेष मागासप्रवर्ग कल्याण, कामगार राज्यमंत्री तथा अकोला जिल्ह्याचे पालकमंत्री ना.ओमप्रकाश उर्फ बच्चू कडू यांनी केले ते स्मृतीशेष रामकृष्ण आप्पाजी मिटकरी पुण्यस्मरनानिमित्त रुग्णवाहिका लोकार्पण सोहळ्यात बोलत होते

यावेळी विधानपरिषदेचे सदस्य आमदार अमोल मिटकरी,जिल्हाधिकारी जितेंद्र पापळकर, जिल्हा पोलीस अधीक्षक जी. श्रीधर, मुख्य कार्यकारी अधिकारी सौरभ कटियार,राष्ट्रीय प्रबोधनकार सत्यपाल महाराज,जिल्हा आरोग्य अधिकारी डॉ सुरेश आसोले,निवासी उपजिल्हाधिकारी संजय खडसे,गोदावरीबाई मिटकरी उपस्थित होते.

यावेळी अकोट ग्रामीण पोलीस स्टेशनचे ठाणेदार ज्ञानोबा फड यांना शहीद हेमंत करकरे विरता पुरस्कार, शिक्षक मुकुंद मोरे व गोपाल मोहे यांना ज्योती-सावित्री पुरस्कार, डॉ.निलेश वानखडे यांना कोविडयोद्धा तर पत्रकार विशाल बोरे याना डॉ बाबासाहेब आंबेडकर मूकनायक पुरस्काराने सन्मानित करण्यात आले.कार्यक्रमाचे सूत्रसंचालन व आभार पूजा काळे यांनी केले कार्यक्रमाच्या यशस्वीततेसाठी अमोल काळणे व सर्व सहकारी तसेच आर जे गौरव, शाम राऊत, सोपान कुटाळे,शैलेश वानखडे व यांनी प्रयत्न केले यावेळी शासनाच्या सर्व नियमांचे पालन करण्यात आले.

20