Buldhanaलंपी चर्मरोग; प्राण्यांची वाहतुक व बाजार भरविण्यास सशर्त परवानगी- Collector Dr. Kiran Patil जिल्हाधिकारी डॉ. किरण पाटील यांचे आदेश

बुलडाणा, (जिमाका) दि‍27 :- जनावरांमधील  लंपी चर्मरोग प्रादुर्भावाच्या अनुषंगाने दि. 28 ऑगस्ट 2023 च्या आदेशान्वये प्राण्यांची वाहतुक व बाजार भरविण्यास प्रतिबंध करण्यात आले होते. तथापि साथ रोग आटोक्यात आली असल्याने लागू असलेले निर्बंध शिथिल करुन प्राण्यांचे वाहतुक व बाजार भरविण्यास सशर्त परवानगीचे आदेश (Collector Dr. Kiran Patil) जिल्हाधिकारी डॉ. किरण पाटील यांनी निर्गर्मित केले आहे. 

आदेशानुसार ‍जिल्ह्यातील कोणताही प्राण्यांचे बाजार, वाहतुक, जत्रा व प्रदर्शन, प्राण्यांच्या शर्यती आयोजित करण्यास पुढील अर्टीच्या अधिन राहुन परवानगी देण्यात येत आहे. 

केंद्र शासनाच्या मार्गदर्शक सुचनानुसार जिल्ह्याअंतर्गत वाहतुक व ने-आण करावयाच्या गोवंश वर्गीय सर्व गुरांचे किमान 28 दिवसापुर्वी लंपी चर्मरोगाचे प्रतिबंधात्मक लसीकरण केले असल्याबाबत पशुवैद्यकीय दवाखान्याचे विहीत नमुन्यातील लसीकरण प्रमाणपत्र तसेच लंपी चर्मरोगाची लक्षणे दिसुन आली नसल्याबाबत पशुधन विकास अधिकारी गट अ यापेक्षा कमी दर्जा नसलेले अधिकारी यांचे आरोग्य प्रमाणपत्र सोबत ठेवणे बंधनकारक राहिल.

प्राण्यांची वाहतुक अधिनियम 2001 मधील वाहतुक नियमांचे पालन करणे बंधनकारक राहील. वाहतुक करणाऱ्या प्राण्यांचे स्वास्थ प्रमाणपत्र व वाहतुक प्रमाणपत्र सोबत असणे आवश्यक राहिल.

वाहतुक करावयाच्या गुरांची ओळख पटविण्यासाठी कानात 12 अंकी टँग व त्यांची इनाफ पोर्टलवर नोंद बंधनकारक राहील.

जिल्या नतील पशुंच्या बाजारामध्ये खरेदी व विक्री करतेवेळी कानात टँग व स्वास्थ प्रमाणपत्र सोबत असणे बंधनकारक राहील. तसेच बाजारामध्ये गोचीड व गोमाशा निर्मुलन फवारणी करणे बाजार समितीस तथा तत्सम आयोजकास बंधनकारक राहील. 

आदेशाचे अंमलबजावणी संबधित प्रशासकीय विभागाने काटेकोरपणे करावी, असे निर्देश जिल्हाधिकारी डॉ. पाटील यांनी दिले.