BULDHANA माजी MLA आमदार शिंदे यांच्या वाहनाचा भीषण अपघात..!

एअर बॅग उघडल्याने बचावले फ्रॅक्चर असण्याची शक्यता : 

अकोला येथील रुग्णालयात उपचार सुरू 

(APALA VIDARBH LIVE अनिल ठोकळ)

बुलढाणा : माजी आमदार तथा भाजप नेते विजयराज शिंदे यांच्या वाहनाचा  भीषण अपघात झाला. या अपघातात विजयराज शिंदे यांच्यासह त्यांचे सहकारी जखमी झाले असून त्यांना उपचारार्थ अकोल्यात हलविण्यात आले आहे. विजयराज शिंदे हे अमरावती येथे खा. भोंडे यांच्या भेटीसाठी निघाले होते. अकोल्याच्या समोर समोरून येणाऱ्या बसने शिंदे यांच्या कारला धडक दिली. दुसऱ्याच क्षणी कारच्या एअरबॅग उघडल्याने जीवित हानी टळली. मात्र स्वतः शिंदे आणि त्यांचा कारचालक दोघेही जखमी झाले आहेत. अकोला येथील रुग्णालयात दोघांना उपचारासाठी हलविण्यात आले आहे.  समोरून ज्या बसने धडक दिली, त्या बसचा चालक मोबाईलवर बोलण्यात व्यस्त होता. अकोला दौऱ्यावर असलेले उपमुख्यमंत्री देवेंद्र फडणवीस यांना विमानतळावर सदिच्छा भेट घेऊन विजयराज शिंदे अमरावतीकडे रवाना झाले होते. आज दि. ७ ऑक्टोबर रोजी १२ वाजेदरम्यान हा अपघात घडला. दरम्यान शिंदे यांचे अनेक समर्थक अकोला कडे रवाना झाल्याचे कळते.